Salyanda yol-nəqliyyat hadisəsi baş verib, xəsarət alanlar var

Salyan rayonunda yol qəzası olub, yaralananlar var.

Avtosfer.az-ın “Report”a istinadən məlumatına görə, hadisə şəhərin Əlibəy Hüseynzadə küçəsində qeydə alınıb.

Belə ki, hərəkətdə olan “Hyundai Sonata” markalı avtomobil digər minik avtomobili ilə toqquşub.

Qəza nəticəsində Salyan şəhər sakinləri – 1962-ci il təvəllüdlü Bağırova Bikəxanım Abdulhəsən qızı və 1985-ci il təvəllüdlü Mənəfova Vüsalə Sabir qızı müxtəlif dərəcəli xəsarətlər alıblar.

Xəsarət alanlar Salyan Mərkəzi Rayon Xəstəxanasına çatdırılıblar.

Faktla bağlı araşdırma aparılır.