Samuxda yol qəzasında ər və arvad xəsarət alıb

Samux rayonunda iki nəfərin xəsarət alması ilə nəticələnən ağır yol-nəqliyyat hadisəsi baş verib. "Report"un Qərb bürosu xəbər verir ki, 1947-ci il Faiq Hüseynqulu oğlu Həsənovun idarə etdiyi "VAZ -2106" markalı avtomobil idarəetmədən çıxaraq qarşı tərəfdən gələn "Jeep" markalı avtomobillə toqquşub.  Nəticədə "VAZ"ın sürücüsü və onun arvadı, avtomobildə olan sərnişin, 1955-ci il təvəllüdlü Nəhayət Xuda qızı Həsənova xəsarət alıb. Yaralılar xəstəxanaya yerləşdiriliblər. Faktla bağlı araşdırma aparılır.