Səfir yol qəzasından sonra xəstəxanada keçindi - YENİLƏNİB

Serbiyanın Liviyadakı səfiri Oliver Potejitsa Tunisdə avtomobil qəzasında aldığı ağır xəsarətlər nəticəsində dünyasını dəyişib. Avtosfer.az salamnews-a istinadən xəbər verir ki, bu barədə bu gün Serbiya Xarici İşlər Nazirliyindən məlumat verilib. Hadisənin baş vermə şəraiti və tarixi açıqlanmır. Serbiya XİN gün ərzində daha ətraflı rəsmi məlumat yayacaq.

***

Serbiyanın Liviyadakı səfiri Oliver Potejiç Tunisə işgüzar səfəri zamanı avtomobil qəzasına düşüb. Avtosfer.az-ın "Report"a istinadən məlumatına görə, bu barədə "Gazeta.ru" yerli mətbuata istinadən xəbər verib. Xəbərdə qeyd olunur ki, diplomat qəza zamanı ağır xəsarət alıb. Xəstəxanaya yerləşdirilmiş Potejiçə Serbiya Xarici İşlər Nazirliyinin baş katibi Velko Odaloviç baş çəkib. Qeyd edilir ki, Tunisin Səhiyyə Nazirliyi və Serbiyanın bu ölkədəki səfirliyi səfirin müalicəsi üçün mümkün yardımı göstərirlər.