Şəhərin mərkəzidə qəza: Qırmızıda keçən “BMW” “VAZ”a çırpıldı - VİDEO

Paytaxtın Səbail rayonu, Bülbül prospekti ilə Zərifə Əliyeva küçələrinin kəsişməsində yol-nəqliyyat hadisəsi baş verib.

Avtosfer.az-ın məlumatına görə, qəza noyabrın 16-da axşam saatlarında qeydə alınıb. Hərəkətdə olan 68-BK-076 dövlət nömrə nişanlı “BMW” markalı avtomobil, “VAZ-2107” maşınla toqquşub.
Şahidlərin sözlərinə görə, hadisə “BMW” sürücüsünün işıqforun qırmızı işığında yolayrıcına daxil olması nəticəsində baş verib. Qəza zamanı hər iki avtomobilə ciddi maddi ziyan dəyib, xəsarət alan olmayıb.
Əraziyə polis əməkdaşları cəlb edilib. 

Faktla bağlı araşdırma aparılır.

Nərmin