Şəhərin mərkəzində “07” idarəetmədən çıxıb səkiyə qalxdı - VİDEO

Paytaxtın Səbail rayonu, Üzeyir Hacıbəyov küçəsində yol-nəqliyyat hadisəsi baş verib.

Avtosfer.az-ın məlumatına görə, qəza aprelin 1-də saat 02:15 radələrində qeydə alınıb. 

Belə ki, Şamilov Elvin Elçin oğlunun idarə etdiyi 99-CY-002 dövlət nömrə nişanlı “VAZ-2107” markalı avtomobil dəmir məhəccərə çırpılaraq səkiyə çıxıb.

Şahidlərin iddiasına görə, qəza sürücünün qəfil manevr zamanı idarəetməni itirməsi nəticəsində baş verib.

Hadisə nəticəsində xəsarət alan olmasa da, avtomobilə maddi ziyan dəyib. 

Əraziyə DYP əməkdaşları cəlb olunub. 

Faktla bağlı araşdırma aparılır.

Nərmin