Şəhərin mərkəzində “BakuBus”ın avtobusu “Nissan”a çırpıldı - VİDEO

Paytaxtın Yasamal rayonu Zivərbəy Əhmədbəyov küçəsində yol qəzası qeydə alınıb.

Avtosfer.az-ın məlumatına görə, hadisə sentyabrın 24-də günorta saatlarında baş verib. Belə ki, “BakuBus” MMC-yə məxsus 2 saylı marşrut xətti üzrə hərəkət edən sərnişin avtobusu, 77-LH-658 dövlət nömrə nişanlı “Nissan Tiida” markalı avtomobillə toqquşub. Xəsarət alan olmasa da, hər iki nəqliyyat vasitəsinə maddi ziyan dəyib.
Qeyd edək ki, qəzanın görüntüsü sosial şəbəkədə müzakirələrə səbəb olub. Hadisə şahidləri qəzaya səbəb kimi avtobus sürücüsünün anidən sağa manevr etməsini rəy bölməsində bildiriblər.

Bakı şəhər Dövlət Yol Polisi İdarəsindən Avtosfer.az-a verilən məlumata əsasən, faktla bağlı araşdırma davam edir.

Nərmin