Şəkər zavodunun maşını dərəyə aşıb, bir nəfər yaralanıb

Daşkəsən rayonunda “Shacman” markalı yük maşını dərəyə aşıb. Avtosfer.az xəbər verir ki, “Report”un məlumatına görə, hadisə Gəncə-Daşkəsən yolunun 5-ci kilometrliyində qeydə alınıb. Daşkəsəndən İmişliyə əhəng daşı aparan “İmişli” şəkər zavoduna məxsus maşın yoldan çıxaraq dərəyə aşıb. Hadisə nəticəsində sürücü müxtəlif bədən xəsarətləri alaraq xəstəxanaya yerləşdirilib.

Faktla bağlı araşdırma aparılır.