Şəkidə 12 yaşlı yeniyetməni maşın vurub

Şəkidə piyadanın vurulması ilə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə şəhərin M.Ə.Rəsulzadə prospektində qeydə alınıb.

Şəki şəhər sakini, 2005-ci il təvəllüdlü Hünər Namizəd oğlu Davudovu rayonun Şorsu kənd sakini olan Rafael Xəncanov idarə etdiyi "VAZ-2107" markalı avtomobillə vurub. Yaralı dərhal Şəki Mərkəzi Rayon Xəstəxanasına çatdırılıb və Reanimasiya şöbəsinə yerləşdirilib. Ona kəllə-beyin travması diaqnozu qoyulub. Həkimlər H.Davudovun vəziyyətinin kafi olduğunu bildirirlər.

Qeyd edək ki, hadisəni törədən sürücü avtomobilində xəstəxanaya xəstə aparırmış.