Şəkidə AĞIR QƏZA: Ölən və yaralananlar var - YENİLƏNİB

"Şəki rayonunda baş verən yol-nəqliyyat hadisəsi səbəbi ilə xəsarət alan 2004 və 2010-cu il təvəllüdlü iki nəfər (kişi) mayın 6-da saat 02:30-da Şəki Rayon Mərkəzi Xəstəxanasının Təcili tibbi yardım şöbəsinə hospitalizasiya olunub".

Avtosfer.az oxu.az-a istinadən xəbər verir ki, bu barədə məlumat Tibbi Ərazi Bölmələrini İdarəetmə Birliyindən (TƏBİB) verilib.

Qeyd olunub ki, müxtəlif bədən xəsarətləri alan şəxslərin hər birinə zəruri tibbi xidmətlər göstərilib.

"Onlardan bir nəfərin müalicəsi xəstəxananın Cərrahiyyə şöbəsində davam etdirilir, vəziyyəti orta ağır qiymətləndirilir. Digər şəxs isə öz istəyi ilə Goranboy rayonunda yerləşən özəl tibb müəssisələrindən birinə təxliyə olunub", - deyə məlumatda bildirilir.

***09:53

Şəkidə avtomobil aşıb.

Avtosfer.az unikal-a istinadən xəbər verir ki, hadisə ötən gecə Şəki şəhəri ərazisində baş verib.

Belə ki, “VAZ-2107” markalı avtomobil idarəetmədən çıxaraq aşıb. 

Nəticədə nəqliyyat vasitəsində olan sərnişin, 23 yaşlı Elçin Əhmədli hadisə yerində ölüb, sürücü 22 yaşlı Ömər Tanrıverdiyev və digər sərnişin, 16 yaşlı yeniyetmə xəsarət alaraq xəstəxanaya yerləşdiriliblər.

Faktla bağlı araşdırma aparılır.