Şəkidə avtomobil ağaca çırpılıb, xəsarət alan var

Şəkidə baş verən yol-nəqliyyat qəzasında sürücü ağır xəsarət alıb.

Avtosfer.az xəbər verir ki, bu barədə apa-nın Şəki-Zaqatala bürosunun məlumatına görə, bu gecə saat 04:30 radələrində rayonun Vərəzət kənd sakini, 1987-ci il təvəllüdlü Ruslan Tahir oğlu Məmmədov idarə etdiyi  ”VAZ 21074” markalı, 10 HT 571 dövlət nömrə nişanlı avtomobillə Qaraməryəm-İsmayıllı-Şəki magistral avtomobil yolunun Şəki rayonu ərazisindən keçən hissəsində idarəetməni itirməsi səbəbindən maşını yolun kənarındakı ağaca çırpıb.

Ağır bədən xəsarətləri alan R. Məmmədov Şəki Rayon Mərkəzi Xəstəxanasına (RMX) aparılıb.

Koma vəziyyətdə xəstəxananın reanimasiya şöbəsinə yerləşdirilən R. Məmmədova ağır kəllə-beyin travması və beyin əziyi diaqnozu qoyulub.

Faktla bağlı Daxili İşlər Nazirliyinin (DİN) Baş Dövlət Yol Polisi İdarəsinin istintaq və təhqiqat bölməsində araşdırma aparılır.