Şəkidə avtomobillər toqquşdu - Xəsarət alanlar var

Şəkidə iki avtomobil toqquşub, iki nəfər xəsarət alıb. Avtosfer.az-ın "Unikal"a istinadən məlumatına görə, bu gün saat 19 radələrində Şəki şəhəri ərazisində “Daewo” və “Hyundai” markalı avtomobillər toqquşub. Nəticədə “Daewo”nun sürücüsü, 55 yaşlı Şamxal Əhmədov və “Hyundai”da olan sərnişin, 33 yaşlı Nərgiz Əbdülova xəsarət alaraq, Şəki rayon mərkəzi xəstəxanasına yerləşdiriliblər.