Şəkidə faciəvi şəkildə ölən qardaş və bacıların görüntüləri - FOTO - VİDEO

Oktyabrın 21-də Oğuz-Şəki avtomobil yolunda baş verən ağır yol-nəqliyyat hadisəsi ilə bağlı yeni təfərrüat məlum olub.

Avtosfer.az bildirir ki, qəza nəticəsində həyatını itirən qardaş və iki bacının yaxınları hadisə barədə “Baku TV”yə danışıblar.

“Bir ailəni başsız qoydu. Qardaşımın, uşaqların üzünə baxa bilmirik. Gəlinimizin üç uşağı yetim qaldı”, – qohumlardan biri söyləyib.

Qeyd edək ki, iki avtomobilin toqquşması nəticəsində maşınların birində olan 44 yaşlı Pərvanə Mehdiyeva, onun bacısı 26 yaşlı Yeganə Məmmədova və qardaşı 33 yaşlı Turan Rəsullu hadisə yerində dünyasını dəyişiblər. Digər avtomobilin sürücüsü 48 yaşlı Ədalət Abbasov və sərnişin 43 yaşlı Nuranə Həsənova ağır xəsarət alıb.

Faktla bağlı araşdırma aparılır.