Şəkidə maşın çaya aşıb, xəsarət alan var

Şəki rayonunda avtomobil çaya aşıb. Hadisə bu gün günorta saatlarında şəhər ərazisində baş verib. Belə ki, Şəki sakini Tural Bəlyar oğlu Həbillayev idarə etdiyi 55-BU-586 dövlət nömrə nişanlı "VAZ-21015" markalı avtomobillə 20 Yanvar küçəsi ilə hərəkətdə olarkən anidən idaretməni itirib və maşını Qurcana çayına aşırıb. Nəticədə avtomobildə olan sərnişinlərdən biri - Leyla Vaqif qızı Əlixanova müxtəlif dərəcəli bədən xəsarətləri ilə Şəki Rayon Mərkəzi Xəstəxanasına çatdırılıb. Ona boyun nayihəsinin qapalı travması diaqnozu qoyulub.

Faktla bağlı araşdırmalar aparılır. 

"Report"