Şəkidə “Qazel” ağaca çırpılıb

Şəki şəhərində qəza baş verib. Fövqəladə Hallar Nazirliyindən Avtosfer.az-a verilən məlumata görə, Şəki şəhərində “Qazel” markalı yük avtomobili idarəetməni itirərək yol kənarındakı ağaca çırpılıb. Nəticədə avtomobilin kabinəsi və mühərrikində elektrik avadanlıqları yanıb. Avtomobilin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.