Şəkidə “VAZ” yük maşınıyla toqquşdu, sürücü və sərnişin.. - VİDEO

Şəkinin Baş Göynük kəndində yol qəzası qeydə alınıb.

Avtosfer.az-ın məlumatına görə, hadisə noyabrın 20-də gecə saatlarında baş verib. Belə ki, hərəkətdə olan 99-ME-648 dövlət nömrə nişanlı “VAZ-2107” markalı avtomobil, 55-CA-842 dövlət nömrə nişanlı “Saz-3503” markalı yük maşınıyla toqquşub. Qəzaya səbəb “VAZ” sürücüsünün düzgün ara məsafəsi təyin etməməsi olub. Nəticədə yük maşınına çırpılan nəqliyyat vasitəsi yararsız vəziyyətə düşüb. Hadisə zamanı “VAZ”ın sürücüsü və avtomobildə olan sərnişin müxtəlif dərəcəli bədən xəsarətləri alıb.

Qeyd edək ki, faktla bağlı araşdırma davam edir. 

Nərmin