Şəmkirdə 6 nəfərin ölümü ilə nəticələnən qəzanın TƏFƏRRÜATI - FOTO - VİDEO

Şəmkirdə 5 nəfərin ölümü ilə nəticələnən ağır yol-nəqliyyat hadisəsinin bəzi detalları məlum olub.

Avtosfer.az xəbər verir ki, VAZ-2106-nın sürücüsünün qardaşı Polad Aslanov APA TV-yə açıqlamasında bildirib ki, həmin şəxslər "ciyər axşamı"na gələndə "KİA" ilə vurulublar: "Yüksək sürətlə gəlirmiş. Gedib xəstəxanada KIA-nın sürücüsünü tapdım. Dedi ki, günah məndədir, onların səhvi yox idi". O, bərk sürdüyü üçün avtomobili saxlaya bilmədiyini dedi".

Qeyd edək ki, qəzada 7 nəfər xəsarət alıb. Vəfat edən sürücü Əlizamin Aslanovun 5 yaşlı oğlu Qoşqar Aslanovun vəziyyətinin ağır olduğu bildirilib.

Faktla bağlı araşdırma başlanılıb.

***11:41

Şəmkir rayonunun Əliyaqublu kəndində baş verən qəzanın bəzi təfərrüatı bilinib.

Avtosfer.az "Teleqraf"a istinadən xəbər verir ki, qəzaya düşənlər hadisə zamanı həyatını itirən VAZ-2106 markalı avtomobilin sürücüsü Əlizamin Aslanovun bacısı oğlunun Dəllər-Cəyir kəndində bu gün keçirilməsi nəzərdə tutulan kiçik toy mərasimindən öncə təşkil olunan "ciyər axşamı"na gedirmişlər.

İlahə Məmmədova

Zəhra Vəliyeva

***10:48

Şəmkir rayonunda baş verən yol-nəqliyyat hadisəsində 2009-cu il təvəllüdlü Elvin Məmmədov ölüb.

Avtosfer.az xəbər verir ki, oxu.az E.Məmmədovun fotosunu əldə edib.

Xatırladaq ki, hadisə ötən gün Bakı-Qazax magistral yolunun Şəmkir rayonunun Əliyaqublu kəndi ərazisindən keçən hissəsində qeydə alınıb. Hadisə nəticəsində VAZ-2106 avtomobili ilə KIA markalı minik avtomobili toqquşub.

Hadisə nəticəsində beş nəfər hadisə yerində, bir nəfər isə xəstəxanada həyatını itirib.

Fotonu təqdim edirik: