Şəmkirdə avtomobil dərəyə aşıb - FOTO

Şəmkirdə yol-nəqliyyat hadisəsi baş verib.

Avtosfer.az-ın APA-ya istinadən məlumatına görə, hadisə Bakı-Qazax magistral yolunun Şəmkir ərazisindən keçən hissəsində qeydə alınıb. Hərəkətdə olan kiçik tutumlu “Ford Tranzit” markalı avtomobil sürücünün idarəetməni itirməsi nəticəsində yoldan çıxaraq dərəyə aşıb.

Maşının sürücüsü, 1982-ci il təvəllüdlü B.Bayramov xəsarət alaraq Şəmkir rayon mərkəzi xəstəxanasına yerləşdirilib.

Daha sonra Gəncədəki xəstəxanaya hospitalizasiya edilib.

Faktla bağlı araşdırma aparılır.