Şəmkirdə avtomobil qəzasında xəsarət alanların son vəziyyəti AÇIQLANDI

Şəmkir rayonunda baş verən yol-nəqliyyat hadisəsi nəticəsində xəsarət alanların son vəziyyəti açıqlanıb.

Avtosfer.az xəbər verir ki, bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, iyulun 5-də saat 19:40-da üç nəfər (iki kişi, bir qadın) Şəmkir Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Onlara bədənin müxtəlif nahiyələrinin küt travması diaqnozu təyin edilib. Hər birinə zəruri tibbi yardım göstərildikdən sonra vəziyyətləri qənaətbəxş qiymətləndirilib və ambulator müalicə üçün evə buraxılıblar.

Qeyd olunub ki, qəza nəticəsində bir nəfərin (kişi) həkiməqədər ölüm faktı qeydə alınıb.