Şəmkirdə maşın körpüdən aşdı, hərbçi həlak oldu - FOTO - YENİLƏNİB

Şəmkirdə avtomobilin körpüdən aşması nəticəsində həlak olan sürücü hərbi qulluqçu olub.

Müdafiə Nazirliyindən bildirilib ki, sentyabrın 4-də Azərbaycan Ordusunun hərbi qulluqçusu Nurəddin Natiq oğlu Mirzəyev VAZ-2106 markalı şəxsi avtomobildə hərəkət zamanı baş vermiş avtoqəzada vəfat edib:

"Məlumatı təsdiq edirik. Xidmətdən kənarda baş vermiş hadisə ilə bağlı araşdırma aparılır.

Müdafiə Nazirliyinin rəhbərliyi vəfat edən hərbi qulluqçunun ailəsinə və yaxınlarına dərin hüznlə başsağlığı verir, səbir diləyir".(oxu.az)

***10:36

Şəmkirdə ölümlə nəticələnən yol-nəqliyyat hadisəsi baş verib.

Avtosfer.az apa-ya istinadən xəbər verir ki, minik maşını yoldan çıxaraq körpüdən aşıb.

Qəza nəticəsində sürücü hadisə yerində ölüb.