Şəmkirdə yük avtomobili beton arakəsməyə çırpıldı - FOTO

Şəmkirdə yol-nəqliyyat hadisəsi baş verib.

Avtosfer.az-ın məlumatına görə, hadisə Bakı-Qazax magistral yolunun rayonun Seyfəli kəndi ərazisindən keçən hissəsində qeydə alınıb.

Hərəkətdə olan "SCANIA" markalı yük avtomobilinin sürücüsü idarəetməni itirib. Nəticədə yük avtomobili yol kənarındakı beton arakəsəməyə çırpılıb.

Qəza nəticəsində xəsarət alan olmasa da yük avtomobili və yol təsərrufatına ciddi ziyan dəyib. Sürücünün sözlərinə görə onun idarə etdiyi yük avtomobilinin qarşısına "VAZ" markalı minik avtomobili çıxıb.

Bu zaman o qəzadan yayınmaq istəyib və avtomobil beton arakəsməyə çırpılıb.

Faktla bağlı araşdırma aparılır.