Sərnişin avtobusu aşdı – 14 ölü

Rusiyanın Zabaykalye diyarında sərnişin avtobusunun aşması nəticəsində ölənlərin sayı 14 nəfərə çatıb. Avtosfer.az-ın APA-ya istinadən verdiyi xəbərə görə, bu barədə Zabaykalye diyarının Səhiyyə nazirliyindən bildiriblər. Məlumata görə, bu gücə xəstəxananın reanimasiya şöbəsində avtobusun sürücüsü dünyasını dəyişib. Qəza zamanı xəsarət alan 34 nəfər xəstəxanalarda müalicə alır, onlardan 18-nin vəziyyəti ağır kimi qiymətləndirilir. Hadisə iyunun 11-i, axşam saatlarında “Baykal” federal avtomobil magistralının Petrovsk-Zabaykalye rayonundan keçən hissəsində qeydə alınıb. İçərisində 51 sərnişinin olduğu avtobus qəflətən idarəetməni itirərək aşıb. Qəzanın səbəbləri müəyyənləşdirilir.