Sərnişin avtobusu aşdı – 40 yaralı

Kubada sərnişin avtobusu aşıb. "Report"un məlumatına görə, bu barədə ölkənin xəbərlər agentliyi bildirib. Məlumata görə, hadisə Syeqo-de-Avila vilayətindəki əsas magistrallardan birində baş verib. Qəza zamanı 40 nəfər xəsarət alıb. İlkin məlumata görə, sürücü nəqliyyat vasitəsinə idarəetməni itirib və nəticədə avtobus küvetə (şose yolu boyunca gedən xəndək - red) çıxaraq aşıb. Yaralılar xəstəxanaya yerləşdirilib. Hadisənin başvermə şəraiti və səbəbi müəyyənləşdirilir.