Sərnişin avtobusu avtomobillə toqquşdu - 13 nəfər xəsarət alıb

Türkiyənin Giresun şəhərində sərnişin avtobusunun avtomobillə toqquşması nəticəsində 13 nəfər yaralanıb. Avtosfer.az xəbər verir ki, bu barədə NTV məlumat yayıb.

Bildirilib ki, hadisə Güce rayonunda, Qaradəniz sahil yolunda qeydə alınıb.

Əraziyə polis və təcili tibbi yardım əməkdaşları cəlb olunub. Yaralılar xəstəxanaya yerləşdiriliblər.

Hadisə ilə bağlı araşdırma başladılıb.