Sərnişin avtobusu ilə yük avtomobili toqquşdu: 11 ölü, 25 yaralı

Peruda bir neçə nəfərin ölümü və xəsarət alması ilə nəticələnmiş ağır yol qəzası baş verib. Avtosfer.az "Report"a istinadən xəbər verir ki, bu barədə ölkənin yol polisi məlumat yayıb. Məlumatda bildirilir ki, sərnişin avtobusu ilə yük avtomobilinin toqquşması nəticəsində azı 11 nəfər ölüb. "Andina" agentliyinin xəbərində bildirilir ki, hadisə Cənubi Amerika ölkəsinin Pasko regionunun mərkəzi şosesində baş verib. Qəzanın başvermə səbəbi hələlik məlum deyil. Qəza zamanı həmçinin azı 25 nəfər xəsarət alıb.