Sərnişin avtobusu mikroavtobusla toqquşdu: ölən və yaralananlar var - FOTO

Türkiyənin Amasiya vilayətində ağır yol qəzası baş verib. APA-nın “Milliyet”-ə istinadən verdiyi xəbərə görə, vilayətin Suluova rayonunda Ağrı-İstanbul marşrutu üzrə hərəkət edən sərnişin avtobusu ilə mikroavtobus toqquşub. Qəza nəticəsində mikroavtobusun sürücüsü ölüb, 4 nəfər yaralanıb. Yaralılar xəstəxanaya yerləşdirilib. Qəzanın səbəbləri barədə məlumat verilmir.