Sərnişin avtobusu qəza törətdi - Bakıda

Bakıda sərnişin avtobusu qəza törədib. Avtosfer.az lent.az-a istinadən məlumatına görə, hadisə Binəqədi rayonunda, Binəqədi qəsəbəsinin mərkəzi dairəsində baş verib. "İveco" markalı, 10 TF 127 dövlət qeydiyyat nişanlı sərnişin avtobusu ilə "Ford" markalı, 99 DA 850 nömrəli yük maşınının toqquşması nəticəsində 3 nəfər müxtəlif dərəcəli xəsarətlər alıb. Yaralılar xəstəxanaya yerləşdirilib.

Yaralılardan biri qadın, digər ikisi isə kişidir. Faktla bağlı Binəqədi rayon Polis İdarəsində araşdırma aparılır.