Sərnişin avtobusu qəzaya düşdü: 13 ölü, 17 yaralı

Malayziyanın cənubunda sərnişin avtobusu qəzaya uğrayıb. Avtosfer.az Rusiya mətbuatına istinadən xəbər verir ki, qəza nəticəsində 13 nəfər həlak olub, 17 nəfər isə xəsarət alıb. Xəbərdə deyilir ki, avtobus Kuala-Lumpur şəhərindən Djoxor-Baru şəhərinə yollanırdı. Hadisə yerinə 25 yanğınsöndürən cəlb olunub.

Qəzanın səbəbi araşdırılır. İlkin məlumata görə, yol yaxşı vəziyətdə idi, qəzanın baş verdiyi anda yağış yağmırdı.