Sərnişin qatarı qəzaya uğrayıb, 150 nəfər xəsarət alıb

Misirdə sərnişin qatarının qəzaya uğraması nəticəsində 150 nəfər xəsarət alıb.

Avtosfer.az xarici mətbuata istinadən xəbər verir ki, Asuan şəhərindən paytaxt Qahirəyə yollanan qatarın iki vaqonu relsdən çıxıb.

Hadisə yerinə çox sayda təcili tibbi yardım maşınları cəlb olunub. Xilasedicilər deformasiyaya uğramış vaqonlardan sərnişinləri çıxarır.

Qəzanın təfsilatları barədə hələ ki, məlumat verilmir.