Sərnişin təyyarəsi məcburi eniş edib

Kanadanın "Air Canada" aviaşirkətinə məxsus sərnişin təyyarəsi Manitoba vilayətində, Vinnipeq hava limanına məcburi eniş edib.

Avtosfer.az "Report"a istinadən xəbər verir ki, "Airbus A319" Fort-Makmyurreydən Torontoya (Ontario vilayəti) doğru uçurmuş. Lakin uçuş zamanı təyyarənin mühərriklərindən birində problem yaranıb.

Air Canada"nın nümayəndəsi Con Riberin sözlərinə görə, təyyarə Vinnipeq hava limanına uğurlu eniş edib. Onun göyərtəsində neçə sərnişinin və ekipaj üzvünün olduğu açıqlanmır.

Hadisə ilə bağlı ətraflı məlumat verilmir.