Sərnişin təyyarəsi təcili eniş etdi

Avstraliyanın  "Rex Airlines" aviaşirkətinə məxsus təyyarə Dabbo şəhərində təcili eniş edib. Avtosfer.az APA-ya istinadən xəbər verir ki, sərnişin təyyarəsi havada olarkən mühərriklərinin birində texniki nasazlıq yaranıb. Dabbo-Sidney marşrutu üzrə uçan təyyarə hava limanına geri dönməli olub. Təyyarənin göyərtəsində 26 sərnişinin olduğu bildirilir. İnsident nəticəsində zərərçəkən olmayıb. Avstraliyanın Mülki Aviasiya İdarəsi insidentlə əlaqədar araşdırma aparır.