Sərnişinin ölümünə səbəb olan sürücüyə hökm oxunub

Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən İbrahim Məmmədovun cinayət işi üzrə məhkəmə prosesi başa çatıb.

Avtosfer.az apa-ya istinadən xəbər verir ki, hakim Azər Orucovun sədrliyi ilə keçirilən prosesdə hökm oxunub.

Hökmə əsasən, İ. Məmmədov 5 il 8 ay müddətinə azadlıqdan məhrum edilib.

Qeyd edək ki, bu il mayın 22-də saat 03 radələrində paytaxtın Nizami rayonu ərazisində Naxçıvan şəhər sakini İbrahim Məmmədov idarə etdiyi “Hyundai” markalı avtomobili yolun kənarındakı işıq dirəyinə vurub. Nəticədə İ.Məmmədovun sərnişinlərindən 25-30 yaşlı kişi hadisə yerində ölüb, özü və digər 1 sərnişini xəstəxanaya yerləşdirilib.