Şərurda avtomobil aşıb, ölən var

Şərurda ölümlə nəticələnən yol qəzası baş verib. Daxili İşlər Nazirliyinin mətbuat xidmətindən Avtosfer.az-a verilən məlumata görə, avqustun 28-də saat 2 radələrində Şərur rayonunun Qarxun kəndində rayon sakini Yasin Bədəlov idarə etdiyi “Mercedes” markalı avtomobili aşırıb. Nəticədə sürücü və sərnişini, həmyerlisi Məhərrəm Məmmədov xəstəxanaya yerləşdirilib, M.Məmmədov orada ölüb. Faktla bağlı araşdırma aparılır.