Sərxoş halda yola çıxan piyadanı maşın vurub öldürdü - VİDEO

Sərxoş piyadanı avtomobil vurub öldürüb. Avtosfer.az xəbər verir ki, Rusiyanın Tambov şəhərində baş verən hadisə kameraya düşüb. Belə ki, sərxoş vəziyyətdə olduğu bildirilən 32 yaşlı yerli sakin gözlənilmədən yolun ortasına çıxaraq yüksək sürətlə hərəkət edən nəqliyyat vasitəsini saxlamağa çalışıb. Bu zaman “Toyota Land Cruiser” markalı avtomobili idarə edən 53 yaşlı sürücü qarşısına çıxan şəxsi son anda görüb. Sürücü ani reaksiya verib əyləc sisteminə müdaxilə etsə də, avtomobili saxlamaq mümkün olmayıb və piyada ağır zərbə alıb. O, aldığı ağır bədən xəsarətlərdən hadisə yerindəcə keçinib.

Hazırda hüquq-mühafizə orqanları tərəfindən hadisə ilə bağlı araşdırmalar davam etdirilir.

Sözügedən hadisənin anbaan videosunu təqdim edirik:

Namiq Musayev