Sərxoş piyadanı avtomobil vuraraq ağır xəsarət yetirdi - Bakıda

Bakının Suraxanı rayonunun eyniadlı qəsəbəsində sərxoş piyadanı avtomobil vuraraq ona ağır xəsarət yetirib. Avtosfer.az-ın “Report”a istinadən xəbərinə görə, 44 yaşlı Şerbakov Vyaçeslav yolun piyada üçün müəyyən edilməyən hissəsindən keçərkən onu “Opel” markalı avtomobil vurub. O, hadisəni törədən sürücü tərəfindən xəstəxanaya yerləşdirilib. Yaralının vəziyyəti ağır kimi qiymətləndirilir. Faktla bağlı araşdırma aparılır.