“Sevgidə” uduzan fil - Hirsini avtomobillərdən çıxardı - VİDEO

Dişisindən ayrı düşən fil avtomobillərə ziyan vurdu. Çinin Yunnan vilayətində qoruqdan qaçan  fil  turistlərə çətin anlar yaşadıb. Avtosfer.az atv.az-a istinadən xəbər verir ki, avtomobil yoluna çıxaraq nəqliyyatın hərəkətini iflic edən, depressiyada olduğu iddia edilən nəhəng canlı hirsini yoldakı maşınlardan çıxarıb.

Asiya fili yolda cəmi 20 dəqiqə qalsa da, avtomobillərdən birinin içindəki   ana və dörd övladı sanki 20 il geri salıb. Onların olduğu avtomobilə sürtünən fil maşını bir neçə metr kənara sürüyüb. Avtomobilin içindəki sərnişinlər isə ölüm təhlükəsi ilə üzləşib.

Ancaq fil bununla kifayətlənməyib. Bu dəfə yoldakı digər maşınlara üz tutan nəhəng canlı azı 15  avtomobili əzib. Dərhal əraziyə cəlb olunan polislər fili yoldan uzaqlaşdırıb,  insanları xaosdan xilas ediblər. Xoşbəxtlikdən tələfatın qeydə alınmadığı hadisə ilə bağlı araşdırmalar davam edir. Əlaqədar qurumlar, filin avtomobil yoluna necə gəlib çıxdığını dəqiqləşdirməyə çalışır. Oxşar halın  bir daha qeydə alınmaması üçün, qabaqlayıcı tədbirlər görüləcək.