“Shacman” 46 yaşlı kişini vurdu - Bakıda

Xəzər rayonunda yolu keçmək istəyən 46 yaşlı kişini yük maşını vurub. Avtosfer.az musavat.com-a istinadən xəbər verir ki, Albalılıq qəsəbəsi ərazisində yolu keçmək istəyən 1970-ci il təvəllüdlü Quliyev Mətn Sabir oğlunu “Shacman” markalı yük avtomobili vurub. O, ağır bədən xəsarətləri alıb. Sürücü isə hadisə yerini tərk edib. 

Xəsarət alan şəxs 3 saylı Şəhər Klinik Xəstəxanasına çatdırılıb. Xəstəxanadan verilən məlumata görə, yaralının vəziyyəti ağırdır. 

Sürücünün tutularaq istintaqa cəlb edilməsi itiqamətində tədbirlər görülür. 

Faktla bağlı Xəzər Rayon Polis İdarəsində (RPİ) araşdırma aparılır.