Şirvanda maşın azyaşlını vuraraq ağır yaralayıb

Şirvanda avtomobil 12 yaşlı uşağı vurub. Avtosfer.az-ın APA-ya istinadən məlumatına görə, hadisə Şirvan şəhəri H.Əliyev prospektində baş verib. Şirvan sakini idarə etdiyi "VAZ 2107" markalı avtomobillə yolu keçən 2005-ci il təvəllüdlü Səttarov Rəsul Elşad oğlunu vurub. Ağır xəsarət alan azyaşlı kəllə-beyin travması ilə Şirvan şəhər xəstəxanasının reanimasiya şöbəsinə yerləşdirlib.

Faktla bağlı Şirvan polis şöbəsində araşdırma aparılır.