Son sutka ərzində yol qəzalarında: 10 ölü, 24 yaralı

Son sutka ərzində Azərbaycan yollarında baş vermiş qəzalar 10 nəfərin həyatına son qoyub. Avtosfer.az xəbər verir ki, gün ərzində ölkə yollarında ümumilikdə 13 yol-nəqliyyat hadisəsi baş verib ki, nəticədə daha 24 nəfər yaralanıb. Gün ərzində ən ağır hadisə Bakı-Quba yolunun 45-ci kilometrliyində olub. Burada "Wolksfagen" və "VAZ" markalı iki minik avtomobilinin toqquşması 6 nəfərin həyatına son qoyub. İsmayıllıda "Ford Transit" ilə evakuatorun toqquşması nəticəsində isə 2 nəfər ölüb, 3 nəfər isə yaralanıb. Balakəndə və Lənkəranda baş vermiş qəzaların hər birində isə 1 nəfər həyatını itirib.