Su maşını qəza törətdi, yaralılar var - YENİLƏNİB

10:08

Yaralılardan biri Göygöl Mərkəzi Rayon Xəstəxanasına digər ikisi isə Gəncə şəhər Təcili Tibbi Yardım Xəstəxanasına çatdırılıblar. 

Şahin Quliyev - həkim: "Səhər saatlarında bizim şöbəyə avtoqəza nəticəsində iki xəstə daxil olub. Onlardan birinin xəsarətləri yüngül digərində isə nisbətən ağır idi. Yaralılardan biri evə buraxılsa da, kəllə-beyn travması alan xəstə palataya yerləşdirilib".

Avtosfer.az kəpəztv-yə istinadən xəbər verir ki, Kəlbəcər sakini Natiq Qurbanovun da xəsarətləri ciddi olmadığından ilkin tibbi yardımdan sonra evə buraxılıb. Hadisə zamanı avtomobillərə xeyli ziyan dəyib. Qəzanın səbəbləri Gəncə şəhər Dövlət Yol Polisi şöbəsində araşdırılır. 

-----------

09:03

Səhər saat 8 radələrində Gəncə şəhərinin Gülüstan qəsəbəsi ərazisində yol qəzası baş verib.

Avtosfer.az kəpəztv-yə istinadən xəbər verir ki, yanacaqdoldurma məntəqəsindən çıxan "QAZ 53" markalı su maşını əsas yolla Göygöl istiqamətində hərəkət edən minik avtomobili ilə toqquşub. Qəza nəticəsində su maşının sürücüsü, Kəlbəcər sakini Natiq Qurbanov, digər avtomobilin sürücüsü Bakı sakini Yadigar Əhmədov, sərnişin Asəf Amanov xəsarət alıblar.

Yaralılar Gəncə şəhər Təcili Tibbi Yardım Xəstəxanasına aparılıblar. Hadisə zamanı avtomobillərə də xeyli ziyan dəyib. 

Qəzanın səbəbləri Gəncə şəhər Dövlət Yol Polisi şöbəsində araşdırılır.