Sükan arxasında infarkt keçirən sürücü qəza törədib

Bakıda sükan arxasında infarkt keçirən sürücü qəza törədib. Daxili İşlər Nazirliyinin mətbuat xidmətindən Avtosfer.az-a verilən məlumata görə, yanvarın 31-də paytaxtın Ziya Bünyadov prospektində Bakı şəhər sakini Qurbanəli Babayev idarə etdiyi “Mercedes” markalı avtomobili qarşıda gedən paytaxt sakini Fəxri Həsənovun idarə etdiyi “KİA” markalı avtomobilə vurub. Nəticədə Q. Babayev hadisə yerində ölüb. İlkin məlumata görə, Q. Babayev infarkt keçirib. Nərimanov Rayon Polis İdarəsi tərəfindən araşdırma aparılır.