Sükan arxasında mürgülədi; avtomobili yük maşınına çırpdı - VİDEO

Rusiyanın İrkutsk vilayətində ağır yol-nəqliyyat hadisəsi baş verib. Avtosfer.az xəbər verir ki, sükan arxasında yuxulayan sürücünün idarəetməni itirməsi nəticəsində ikisi uşaq olmaqla dörd nəfər xəsarət alıb. Hadisə "Sibir" federal avtomobil yolunun Kuytun rayonu ərazisindən keçən hissəsində qeydə alınıb. İlkin məlumatlara görə, 45 yaşlı sürücü "Mazda" markalı avtomobili ilə hərəkətdə olarkən qarşı yola çıxaraq "Scania" markalı yük maşını ilə toqquşub. Sürücü daha sonra polisə ifadəsində sükan arxasında bir anlıq mürgülədiyini etiraf edib.

Güclü toqquşmaya baxmayaraq, avtomobildəkilər möcüzə nəticəsində sağ qalıblar. Qəza zamanı müxtəlif dərəcəli bədən xəsarətləri alan sürücü, onun 47 yaşlı qadın sərnişini, həmçinin 8 və 11 yaşlı iki azyaşlı oğlan dərhal xəstəxanaya yerləşdirilib.

Faktla bağlı araşdırma aparılır.

Namiq Musayev