Sulutəpədə yük maşını iki piyadanı vurub, biri ölüb

Abşeronda piyadanın vurulması ilə nəticələnən yol qəzası baş verib. Avtosfer.az xəbər verir ki, bu barədə Abşeron rayon Polis İdarəsindən apa-ya verilən məlumata görə, hadisə rayonun Sulutəpə qəsəbəsinin ərazisində qeydə alınıb. Mikayıl Məmmədov idarə etdiyi “KamAZ” markalı yük maşını ilə yolu keçən piyadalar, Sulutəpə qəsəbə sakinləri - 1963-cü il təvəllüdlü Xanmusa İsmayılov və 1996-cı il təvəllüdlü Elmixan Qədimovu vurub.  X.İsmayılov aldığı xəsarətdən hadisə yerində ölüb. Digər piyada E.Qədimov isə ağır vəziyyətdə xəstəxanaya yerləşdirilib.

Faktla bağlı cinayət işi başlanıb, istintaq gedir.