Sumqayıt sakini “Kamaz”dan yıxılaraq xəsarət alıb

İmişli rayonunda bədbəxt hadisə baş verib. Hadisə dünən axşam saatlarında, rayon mərkəzinin yaxınlığındakı daş bazarında qeydə alınıb. Belə ki, Sumqayıt şəhəri, Bağlar qəsəbəsi, 8-ci məhəllə sakini, 33 yaşlı Əli Kamil oğlu Əliyev “KaMAZ” markalı yük maşınından daş boşaldarkən ehtiyatsızlıqdan yıxılıb. Nəticədə o, müxtəlif dərəcəli bədən xəsarətləri alıb. Ə. Əliyev İmişli Rayon Mərkəzi Xəstəxanasına çatdırılıb. Hazırda həkimlər tərəfindən müayinələr aparılmaqla ona ilk tibbi yardım göstərilir.

Faktla bağlı araşdırma aparılır.

“Report”