Sumqayıtda iki avtobus TOQQUŞDU - Xəsarət alanlar var - FOTO - YENİLƏNİB

Sumqayıt şəhərində iki sərnişin avtobusunun toqquşması nəticəsində ciddi xəsarət alan olmayıb.

Oxu.az-ın əldə etdiyi məlumata görə, hadisə Sumqayıt şəhərinin Sülh prospektində qeydə alınıb.

12 nömrəli marşrut xətti üzrə hərəkət edən avtobusun digər sərnişin avtobusu ilə toqquşması nəticəsində hər iki nəqliyyat vasitəsinə ciddi zərər dəyib, sərnişinlərin bir neçəsi yüngül xəsarət aldığından onlar xəstəxanaya müraciət etməyiblər.

Sumqayıt Tibb Mərkəzindən bildirilib ki, hadisə ilə bağlı tibb müəssisəsinə müraciət edən olmayıb.

Faktla bağlı araşdırma aparılır.

***13:48

Sumqayıt şəhərində iki avtobusun iştirakı ilə yol-nəqliyyat hadisəsi baş verib.

Avtosfer.az "Report"a istinadən xəbər verir ki, hadisə Sumqayıt şəhərinin Sülh prospektində qeydə alınıb.

12 nömrəli marşrut xətti üzrə hərəkət edən avtobus şirkətlərin birinə məxsus sərnişin avtobusu ilə toqquşub. Qəza nəticəsində xəsarət alanların olduğu bildirilir.

Hadisə yerinə aidiyyəti qurumların əməkdaşları cəlb olunublar, araşdırma aparılır.