Sumqayıtda marşrut avtobusu ilə minik avtomobili toqquşub

Sumqayıt şəhərində marşrut avtobusu ilə minik avtomobilinin iştirakı ilə avtoqəza olub. Avtosfer.az "Report"a istinadən məlumat verir ki, hadisə şəhərin Mirzə Ələkbər Sabir küçəsində qeydə alınıb. 39 nömrəli marşrut xətti üzrə hərəkətdə olan avtobusla "Mercedes" markalı minik avtomobili toqquşub. Hadisə zamanı xəsarət alan olmayıb. Əraziyə aidiyyəti qurumların əməkdaşları cəlb edilib. Faktla bağlı araşdırma aparılır.