Sumqayıtda qadın qəza törətdi: ölən və yaralı var - YENİLƏNİB

13:41

Daxili İşlər Nazirliyi Sumqayıt şəhərində baş vermiş yol-nəqliyyat hadisəsi ilə bağlı məlumat yayıb. Avtosfer.az nazirliyin mətbuat xidmətinə istinadən xəbər verir ki, aprelin 26-da saat 18 radələrində Sumqayıt şəhərində şəhər sakini Aynurə Abdullayeva idarə etdiyi "Daewoo" markalı avtomobillə yolu keçən həmyerlisi Yusif Əliyevi vurub. Y.Əliyev hadisə yerində ölüb, A.Abdullayeva xəstəxanada ilkin tibbi yardım göstərildikdən sonra buraxılıb.

 Sumqayıt ŞPİ tərəfindən araşdırma aparılır.

---------

10:59

Sumqayıtda ağır yol qəzası baş verib.

Avtosfer.az  lent.az-a istinadən bildirir ki, Bakı-Quba magistralının 28-ci kilometrliyində, Sumqayıt şəhəri ərazisində "Daewoo" markalı 99 AC 263 dövlət qeydiyyat nişanlı avtomobil 62 yaşlı kişini və 86 yaşlı qadını vurub. Ağır xəsarətlər alan kişi hadisə yerində ölüb, qadın isə xəstəxanaya aparılıb.

Faktla bağlı araşdırma aparılır.