Sumqayıtda vəzifəli şəxs ağır QƏZA törətdi - Xəsarət alanlar var

Sumqayıtda 2 piyadanın vurulması ilə nəticələnən yol-nəqliyyat hadisəsi baş verib.

Avtosfer.az xəbər verir ki, hadisə şəhərin Sülh və Koroğlu prospketlərinin kəsişməsində qeydə alınıb.

Polis mayoru Orxan Bağırlı idarə etdiyi “Mercedes” markalı avtomobillə piyadalar, şəhər sakinləri, 1961-ci il təvəllüdlü Gülxanım Əliyeva və 1968-ci il təvəllüdlü Yeganə Məmmədovanı vurub. Yaralılar dərhal xəstəxanaya çatdırılıb.

Qeyd edək ki, Orxan Bağırlı Sumqayıtda dövlət qurumlarında işləyir.

Faktla bağlı araşdırma aparılır.

(teleqraf.com)