Sumqayıtdan Lənkərana gedən "Qazel" qəzaya düşdü - Yaralılar var

Sumqayıtdan Lənkərana gedən "QAZel" markalı mikroavtobus Masallı rayonu ərazisində beton maneəyə çırpılıb. Hadisə bu gün səhər saatlarında baş verib. Hadisə zamanı 4 nəfər xəsarət alıb. Onlar Lənkəran Rayon Mərkəzi Xəstəxanasına yerləşdiriliblər. Xəsarət alanlar Lerik rayon sakinləridir. Onlar Sumqayıt şəhərində keçirilən toy mərasimindən Lənkərana qayıdırmış. Qəzaya səbəb kimi sürücünün diqqətsizliyi göstərilir.

***

Masallı rayonunda mikroavtobusun qəzaya uğraması nəticəsində xəsarət alanların kimliyi məlum olub. Xəsarət alanlar 1972-ci il təvəllüdlü Məhərrəmova Xumar Həbib qızı, 1963-cü il təvəllüdlü Hüseynova Nazilə Fərhad qızı və 1965-ci il təvəllüdlü Dövlətova Zərifə Fərhad qızıdır. Onların hər üçü Masallı rayonunun Ambu kənd sakinləridir. Qəza zamanı daha bir nəfər xəsarət alıb. O, Lerik Rayon Mərkəzi Xəstəxanasına çatdırılıb.

Faktla bağlı araşdırma aparılır.