Sürücü avtomobilini təmir edən digər sürücünü vuraraq öldürdü - Xırdalanda  

Ötən gün saat 13 radələrində Xırdalan şəhərində bədbəxt hadisə baş verib. DİN-dən Avtosfer.az-a verilən məlumata görə, Sumqayıt şəhər sakini Xəlil İsayev idarə etdiyi "Toyota" markalı avtomobillə yolun kənarında "KamAZ" markalı avtomobilini təmir edən həmyerlisi Faiq Bədəlovu vurub. Nəticədə F.Bədəlov hadisə yerindəcə ölüb. Faktla bağlı Baş İstintaq İdarəsi tərəfindən araşdırma aparılır.