Sürücü heyvanı vurdu, özü də təkərlər altında qaldı

Rusiyanın Leninqrad vilayətinin Slantsevsk rayonu ərazisində ölümlə nəticələnən yol nəqliyyat hadisəsi baş verib. Avtosfer.az Virtualaz.org-a istinadən xəbər verir ki, dünən axşam saatlarında sükan arxasındakı sürücü qəflətən önünə çıxan sığını vurub. Sürücü heyvanın cəsədinə baxmaq üçün avtomobildən endikdə isə özü də yük maşınının təkərləri altında qalıb. O, hadisə yerindəcə keçinib. Qəzada ölən şəxsin 31 yaşlı Azərbaycan vətəndaşı olduğu bildirilir. Faktla bağlı araşdırma aparılır.